Dear Papa Joe,
Ako diay si Alma, minyo ko ug may mga anak. Nagkabuwag mi sa akong bana. Apan sa tinuod, dugay na unta dihang nakasala siya dihang nakapaanak siya sa usa ka tindera sa usa ka mall.
Aron pagluwas sa among kaminyuon, akong giutong kay para sa among mga anak.
Abi nako sa pagpasaylo niya, ma-okay, apan nasayop ko kay bugnaw na man siya.
Nisamot man hinuon mi sige og away. Mao nga wa malikayi, nakasala ko niya.
Nakakaplag ko og chatmate sa Facebook apan diha ra kutob.
Wa mi nagkita sa lalake kay taga Manila man siya apan tungod kay nakasakop man siya, iya dayon kong gibuwagan.
Way sustento ang among anak tungod lang ato nga unta di to mahitabo kon naa lang siya isip bana ug amahan.
Karon ingon siya pasakahan ko niya og kaso kay nangabit daw ko. Unsay akong buhaton?
ALMA
Alma,
Tinuod makasala ang tawo tungod ra sad sa tawo o kahigayunan.
Sayon pagsulti nga for the sake sa mga bata apan again tawhanon man ta, masayop gyud ug sayop tuod sad ang pagpangita og lain maski chat lang.
Anyway, sa kaso, if chat ra ang ebedensya ug lagyo pa, murag layo ra sa tinuod. Mas maayo nga ibarangay lang sa na para sa sustento o VAWC para mahusay mo.
Kon di na man na mo-work out, at least sa maayong buot.
Di niya talikdan ang iyang obligasyon kay basin iya ra ning pamaagi nga makigbuwag nimo.
PAPA JOE
(sa inyong tampo ipadala lang sa papajoesuperb@gmail.com)