Tambagi ko Noy Kulas: Box sa condom

Tambagi ko Noy Kulas: Box sa condom

Dear Noy Kulas,

Tawga lang ko og Mrs. Kim. Minyo ko ug duna nay mga anak pero active ko og lifestyle aron di ko malusyang. At 38, slim and fit kaayo ko bisan duna na koy mga anak. Ingnon gani ko ang akong mga anak as if mga manghod lang nako.

Ang akong problema mao ang akong bana nga sige og biyahe kay naa sa iyang work. Usahay three months nga di makauli sa balay kay toa sa laing probinsya kay nag manage og mga tawo sa company. Ako na unta siyang giingnan nga mo resign o mo retire og sayo kay di maayo nga pirme ming lagyo. But masuko ug mahimo namong lalis.

Usahay makadungog ko og mga estorya nga duna siyay gipuyo ug gipaangkan nga mga babaye but wa nako siya gi confront ani aron di magubot. Kadtong nagbakasyon siya, nakasakop ko og mga condom sa iyang sakyanan. Usa gyud ka box. Ingon pa niya nga iya to sa iyang mga sakop nga single kay mga babaero kaayo. Wa na lang ko molalis kay di ko ganahan mag-away mi bisan obvious kaayo nga siya ang tag-iya sa mga condom. Kinsa mang buanga nga mopalit og condom nya laing tawo ang padad-on?

Unsa kahay akong buhaton aron magpuyo na lang ni siya sa balay? Dako na kaayo mi og savings kay nakapondar na mi og mga negusyo. Ngano kaha nga di man siya ganahan nga magpabilin na lang sa balay? Matambagan unta ko nimo. Daghang salamat.

MRS. KIM

Mrs. Kim,

Kon ikaw lang ang mohangyo sa imong bana, lisod tingali siya makombinser. But if ang mga bata moapil sa pagkombinser sa ilang amahan, basin madala og hangyo ang ilang amahan. Unya, hangyoa sab ang imong in-laws ug iyang pamilya nga motabang sa pagkombinser niya. If di madala, gamiti og reverse psychology sama sa pagdedma na niya. Naa gani siya sa balay, suroy og imoha, kuyog ba sa mga barkada. Unya minusan nimo ang frequency sa inyong communication. Kanang iyang ma-feel nga you can still live without him.

Pinaagi man gud ana matandog ang ego niya. Ana nang ubang mga lalaki, masamdan ang ego. Nya if moreklamo, ingna nga nag-anad kang mo-survive nga wa siya kay mas gipalabi niya ang work nga unta wa na ninyo na kinahanglana. Ayaw lang gyud paggamit og mga lalaki nga paselos kay aron di modaku ug magkaaway na hinuon mo.

NOY KULAS

rojval69@yahoo.com

Related Stories

No stories found.
SunStar Publishing Inc.
www.sunstar.com.ph