ANG breast cancer usa sa mga nag-unang hinungdan sa kamatayon sa mga babaye sa Pilipinas, ilabina sa mga nag edad 35 anyos pataas o kadtong adunay family history nga matang sa sakit. Apan nagkadaghan pud ang mga babaye nga naayo tungod sa sayo nga pagpatest ug pagpatambal.
Gisaulog ang Breast Cancer Awareness Month sa Oktubre.
Mao kini ang nag-unang adbokasiya ni Miss Universe runner-up Maureen Wroblewitz human nitaliwan ang iyang inahan tungod sa breast cancer.
Gani, gipasug-an og pink sa kagamhanan sa Dakbayan sa Lapu-Lapu ang Marcelo Fernan Bridge isip pag-obserbar sa Pink October.
Ang maayong balita mao nga sa miaging mga dekada, mi-us-os na ang kaso sa breast cancer sa tibuok kalibutan. Kini tungod sa early detection.
Ang Kamahinungdanon sa Mammogram
Sulod sa usa ka dekada, si Doktora Mary Lou Te-Charcos nagtambal sa mga pasyente sa breast cancer sa iyang klinika sa Hi-Precision Mandaue.
“Sa Pilipinas, ang breast cancer kasagaran dili madayagnos dayon o sa sayo pa. Ang mga pasyente moabot na kun ang mga sintomas medyo grabe na gamay, ang pipila [mga pasyente] adunay mga dagkong masa, ang uban moabot nga makasinati na og kasakit, nga adunay abnormal nga pag-agas sa utong,” matud ni Dr. Charcos.
Ang mga tests sama sa mammogram mao ang labing epektibo sa pagtino sa breast cancer.
Adunay daghang mga hinungdan ngano nga ang mga babaye nagduha-duha sa pagkuha sa test. Ang ubang mga babaye nahadlok sa kahasol o kasakit nga ilang bation, tungod kay ang mga suso ipiit sa makina. Ang uban nabalaka sa mabayaran sa medical test.
Mao nga ang Hi-Precision nagtanyag og 50 porsyento nga diskwento alang sa mammography tests sa tibuok bulan sa Oktubre aron masiguro ang mga pasyente nga kining gikinahanglan nga test kay ma-access sa tanang babaye nga nanginahanglan niini.
Mahitungod sa kasakit, si Dr. Charcos niingon, “Sa panahon sa procedure, ang mga suso gipiit mao nga naa gyud ang dili komportable apan kini mubo ra kaayo ug maagwanta ra labi na nga ang mga bag-ong makina karon mas paspas. Gipasaligan nako ang akong mga pasyente nga mas maayo nga adunay sayo nga pagdayagnos kaysa sa paglangan sa test nga pwedeng mamahimong usa ka problema sa umaabot.”
Digital nga Mammogram
Matod ni Dr.Charcos, girekomendar ang tinuig nga testing alang sa mga babaye nga kapin sa 40 anyos o adunay family history sa breast cancer.
Ang labing maayo nga oras sa pagpa-test mao ang usa ka semana pagkahuman sa katapusan nga adlaw sa pagregla, tungod kay kana ang panahon nga ang tisyu sa suso mao ang labing makita sa makina sa mammogram.
Paggahin ug panahon sa pagkonsulta sa imong doktor ug pagpa-eksamin, tungod kay kini makaluwas sa imong kinabuhi.
Karong buwana, ang Hi-Precision Diagnostics Cebu nagtanyag og 50 porsyento nga diskwento alang sa ilahang digital mammography test, nga anaa sa ilahang Cebu Main branch nga nahimutang sa 28 J. Llorente Street, Cebu City.
Para sa dugang detalye bahin sa mammogram ug uban pa nilang mga tests, bisitaha ang Hi Precision Diagnostics Cebu sa Facebook o kontaka pinaagi sa landline sa (032) 888 2222 o cellphone/Viber sa (0917) 770 3638. (SPONSORED CONTENT)