NAPUHAG na ang kinatibuk-ang unom ka mga yunit sa New People's Army (NPA) nga naa sa area of responsibility (AOR) sa 10th Infantry Division sa Philippine Army sa ikatulong kuwarter sa 2022.
Sumala sa 10th ID sa Joint Task Force (JTF) Agila nga kining unom ka mga yunit sa communist terrorist groups (CTGs) mao ang Sub-Regional Committee (SRC) 1, SRC 2, SRC 4, SRC 5, Guerilla Front 18, ug ang Regional Sentro De Grabidad (RSDG) sa Regional Operations Command (ROC) nga pulos ilawom sa Southern Mindanao Regional Committee (SMRC).
Matud sa 10th ID nga nakatala sila og pito ka mga panag-engkuwentro nga miresulta sa pagka-nutralisa sa 59 Communist NPA Terrorists, kon diin pito kanila napatay, samtang ang duha nadakpan, ug 50 nisurender.
Gitaho nga kinatibuk-ang 47 ka mga armas nga gilangkuban sa 44 ka tag-as ug tulo ka mubo nga mga pusil narekober ug nasakmit sa puwersa sa gobyerno.
"Aside from its significant accomplishment in attaining the Insurgency-Free status for the five provinces and one highly urbanized city in Davao Region, the Sustainment Phase of the JTF Agila was also deliberately discussed," tug-an ni 10th ID sa ilang gipagawas nga pahayag niadtong Oktubre 5, 2022.
Samtang si JTF Agila Commander Major General Nolasco A. Mempin nagdasig sa tanan nga padayong magprotekta sa AOR.