Nilanog sa tibuok kalibotan ang ngalan sa projected number 1 overall pick sa National Basketball Association 2023 draft human sa duha ka duwa sa 18 anyos nga French sensation nga si Victor Wembanyama sa yuta sa United States of America.
Si kanhi NBA star Richard Jefferson kinsa nakakita sa duwa ni Wembanyama nagkanayon nga kon ang 2003 prospect version nilang si LeBron James, mahimo ra kining second overall pick kon iya pang gikauban ang French star sa maong class.
Matod pa ni Jefferson nga si Wembanyama kumpleto sa skill set sa 7’4” frame nga wala pa sukad makita sa NBA, kansang argumento gisuportahan usab ni Zach Lowe sa ESPN.
Ang 18 anyos nga Frenchman sikat na kaayo sa Europe, kinsang team nakigduwa sa NBA G. League team nga nakapasamot sa hype sa iyang ngalan.
Ang versatile center ni-record og 73 puntos, 22-of-44 shooting, apil na ang siyam ka threes uban sa 15 ka rebounds ug 9 ka blocks sa duha ka mga duwa.
Ang batan-ong Frenchman gidayeg mismo ni James kinsa maoy number No. 1 overall pick sa 2003. Human niadto, nakulit ni James ang iyang ngalan sa kasaysayan sa NBA ug gitandi ni Michael Jordan isip greatest of all time.
Ang 18-time All-Star ug four-time NBA champion nagkanayon nga daw susama sa alien ang French sensation.
“I think probably the same as everybody else thinks. Everybody’s been a unicorn over the last few years, but he’s more like an alien,” matod ni James.
“No one has ever seen anyone as tall as he is but as fluid and graceful as he is on the floor. ... He’s for sure a generational talent. Hopefully, he continues to stay healthy. That’s the important thing for him,” dugang ni LeBron.
Apan gihulagway nga ang mga general manager kon mopili ba ni Wembanyama batok ni James kon sila nag-uban sa 2003 NBA Draft, pabilin pa kini nga debatehunon kay si LeBron niadtong panahona maoy labing maayo sa ilang high school class.
Ang mga analyst nakadayeg sa 7’4” Frenchman kinsa gihulagway nga maayong mo-dribble, hingigo gikan sa arc ug maayong modepensa nga nakahatag og igo nga attention sa 30 ka general managers sa NBA ug gihulagway nga mag-ilog sa serbisyo ni Wembanyama.
Ang 18 anyos nga magduduwa sa professional league sa Europe nalipay sa mga pagdayeg nga iyang nakuha gikan sa mga NBA stars.
“It’s obviously an honor to see such great people talk like this about me, but it really doesn’t change anything,” padayag niya. / PAC