Dancing inmates sa Cebu Provincial Detention and Rehabilitation Center (CPDRC) mopasundayag sa Oktubre 15, 2022.
Gipaabot nga dunay himuong pasundayag sa sayaw ang mga inmate sa CPDRC subay sa pahibalo sa Cebu Provincial Tourism Office.
Duha ka shows ang giandam sa mga inmate alang sa mga gustong motan-aw. Magsugod kini sa ala 1:00 hangtod na sa alas 2:00 sa hapon.
Ang gusto nga mosaksi mahimong moparehistro sa Cebu Provincial Tourism Office sa Kapitolyo.
Aduna kini’y registration nga anaa lang sa P250, nga lakip na niini ang transportation fee gikan ug balik sa Kapitolyo, show fees ug snacks.
Sa mga gustong mosaksi sa presentasyon, ang assembly anha sa Capitol Heritage Park ug kinahanglan nga moadto 30 minutos sa dili pa ang oras sa pasundayag.
Gibanhaw pag-usab sa Kapitolyo ang dancing inmates karong tuiga subay sa saad ug tinguha ni Cebu Governor Gwendolyn Garcia.