PLDT, Smart, Archdiocese nag-uban alang sa digital, mental advocacy

PLDT, Smart, Archdiocese nag-uban alang sa digital, mental advocacy

Ang PLDT Inc. ug ang wireless arm nga Smart Communications, Inc. (Smart) nilusad og makahuluganong partnership ubos sa Digital health and wellness banner program niini nga Better Today PH uban sa Archdiocese of Cebu’s Commission on Youth ug university-based Psychology Center, ang Kauban - facilitating community-based digital ug mental health programs nga nakaabot sa nagkadaiyang grassroots communities sa Sugbo.

Kapin sa 20 ka mga lider sa kabatan-onan ang gibansay sa mga propesor sa sikolohiya ug mga propesyonal sa pag-atiman sa kahimsog sa pangisip sa sukaranan sa Psychological First Aid (PFA).

Ang katapusan nga katuyoan sa programa mao ang pagpauswag sa kahanas sa mga lider sa kabatan-onan sa PFA ug ipasa kini sa lainlaing mga distrito sa Archdiocese.

“PLDT and Smart’s valuable partnership with the Church and well-respected psychology professionals will help invite more communities to mind their digital health and mental wellness. We are forwarding this advocacy through our services that champion our customers’ welfare,” matod ni Marylou Gocotano, head of Visayas Relations ubos sa Stakeholder Management sa PLDT ug Smart.

Kini nga inisyatiba dili lamang makatabang sa pagtapos sa stigma sa mental healthcare, apan maghimo usab og mas lapad nga network sa mga responder sa PFA nga sa dili madugay makatabang sa mga bata, mga tin-edyer, mga hamtong, ug mga pamilya nga nanginahanglan og hinanaling tabang.

“Through this partnership, we can better see the community from a wider perspective which would unite us and enable us to plan for a wider help for the people in our communities,” matud ni Rev. Fr. Andrei Ventanilla, director sa Archdiocese of Cebu’s Commission on Youth.

Ang PLDT ug Smart mipaambit usab og mga tips sa Cyber ​​Wellness ilabi na sa pagsangkap sa mga partisipante sa kahibalo kon unsaon pagbatok sa “Phishing Attacks” nga makapukaw og kahadlok ug kabalaka sa mga biktima.

Ang Better Today usa ka mahinungdanong bahin sa padayon nga pasalig sa PLDT ug Smart nga tabangan ang Pilipinas nga makatampo sa United Nations Sustainable Development Goals (UNSDG), partikular na ang UNSDG #3 nga nagbarog alang sa maayong panglawas ug kaayohan, ug UNSDG #16 nga nagbarog batok sa abuso , kapintas, ug pagpahimulos sa mga bata. (PR)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph