Nagtinguha si super middleweight undisputed champion Mexican Saul “Canelo” Alvarez nga mosaka og balik sa 175 lbs. aron makig-rematch ni World Boxing Association (WBA) light heavyweight champion Russian Dmitry Bivol.
Mao kini ang gibutyag sa promoter ni Alvarez nga si Eddie Hearn sa www.boxingscene.com.
Sa premirong away nga gipahigayon niadtong Mayo 7, 2022, napilde si Alvarez pinaagi sa unanimous decision.
Human niini, nikanaog pagbalik sa 168 lbs. si Alvarez ug nidaog siya pinaagi sa unanimous decision batok kang Gennadiy Golovkin aron angkunon ang undisputed super middleweight title.
Si Alvarez, kinsa adunay 58-2-2, 39KOs nga rekord, naglungotlungot nga makabawos ni Bivol.