Kapin sa 1,800 ka mga balay ang nangaguba human sa magnitude 6.4 nga linog nga niigo sa probinsiya sa Abra, matod sa National Disaster Risk Reduction and Management Council (NDRRMC) sa Huwebes, Oktubre 27, 2022.
Sa usa ka situational report, ang NDRRMC nagkanayon nga sa 1,821 ka balay, walo ang nangaguba, samtang 1,813 ang nangaguba.
Matud pa nga 1,701 ang sa Abra, 68 sa Ilocos Norte, 51 sa Ilocos Sur ug usa sa Cagayan.
Ang disaster bureau nagkanayon nga 125 ka mga imprastraktura, lakip na ang health facilities, mga dalan, government structures, cultural heritage, simbahan, utility services facilities ug mga eskwelahan, sa mga lalawigan sa Ilocos Norte, Ilocos Sur, Cagayan, Abra ug Benguet nakaangkon usab og mga kadaut.
Matud pa nga gibanabana nga P52.738 milyones ang danyos sa imprastraktura.
Ang NDRRMC nagkanayon nga ang Department of Public Works and Highways (DPWH) nihimo og post-earthquake assessment and clearing operations, nagbutang og warning signs ug barikada ilabina sa mga guba nga dalan, ug padayon nga nag-monitor sa national roads ug bridges.
Mokabat sa 18,478 ka pamilya o 61,514 ka indibidwal ang apektado sa kusog nga pagtay-og, nga nahitabo sa Martes sa gabii, Oktubre 25.
Niresulta kini sa pipila ka mga pamilya nga nagkampo atubangan sa ilang mga balay samtang naghulat sa pagsusi sa integridad sa ilang mga balay.
Ang NDRRMC nagkanayon nga 22 ka mga pamilya o 76 ka indibidwal ang nagpabilin sa evacuation centers.
Matud pa nga 44 ka indibidwal ang naangol tungod sa linog.
Ang ahensya niingon nga ang Department of Social Welfare and Development ug ang local government units niapod-apod og hinabang, lakip na ang sleeping kits, food packs, ingon man cash para sa mga indibidwal nga anaa sa crisis situation nga nagkantidad og P207.9 milyones. (TPM sa SunStar Philippines)