Duha ka mga gradwado sa Sugbo nakasulod sa Top 10 sa bag-o lang natapos nga Oktubre 2022 nga Certified Public Accountant Licensure Examination (CPALE), pahibalo sa Professional Regulation Commission (PRC) sa Miyerkules, Oktubre 26, 2022.
Si Nathaniel Jilson Butalid Uy sa University of San Carlos (USC) nahimutang sa ikaunom sa eksaminasyon nga adunay average score nga 88.33 porsyento.
Ang graduwado sa University of the Visayas (UV)-Cebu City nga si Butch Warren Molo Hojas nahimutang sa ika-10 nga pwesto nga adunay rating nga 87.50 porsyento.
Nakasakmit sa top spot sa CPALE mao si Francis Matthew Nuñez Obligacion sa University of Santo Tomas (UST), kinsa nakakuha og average score nga 91 percent.
Naa sab sa Top 10 sila si Kate Marie Uy Buencochillo sa University of Saint La Salle (ikaduhang pwesto, 90.67 percent); Emerson Macaraig Peralta sa University of the East-Manila (ikatulo, 89.5 porsyento); Alvielle Izza Bangi Catcha sa Ateneo de Davao University (ikaupat, 89.33 porsyento); Aldrin Dadis Rivero sa Partido State University-Goa (ikaupat, 89.33 porsyento); ug Marion Jasper Tapalla Tagle sa UST (ikalima, 88.67 porsyento).
Laing topnotchers sa listahan mao sila si Lorenz De Lemios Nalica sa University of the Philippines (UP)-Diliman (ikaunom, 88.33 porsyento); Alec Maverick Cuenco Cruz sa Far Eastern University (FEU)-Manila (ikapito, 88.17 porsiyento); Angelica Dela Cruz Igna sa UP-Diliman (ikapito, 88.17 porsyento); Nikki Salva Calma sa University of the Assumption (ikawalo, 88 porsyento); Keith Daniel Ang Dee sa UP-Diliman (ikawalo, 88 porsyento); Cedrick John Santos Tayson sa FEU-Manila (ikawalo, 88 porsiyento); Loudette Remirose Catris Tejada sa UP-Diliman (ikawalo, 88 porsyento); ug Anthony Marc Sicat Alfonso sa Angeles University Foundation (ikasiyam, 87.67 porsyento).
Ang PRC nagkanayon nga sa 6,665 nga mikuha sa CPA board, 1,722 lang ka examinees ang nakapasar sa pasulit o dunay passing rate nga 25.84 percent.
Ang CPALE gipahigayon sa Board of Accountancy sa Manila, Baguio, Butuan, Cagayan de Oro, Cebu, Davao, Iloilo, Koronadal, Legazpi, Lucena, Pagadian, Pampanga, Rosales, Tacloban, Tuguegarao ug Zamboanga niadtong Oktubre 2022. (SunStar Philippines)