Mokabat sa 55 ka mga kandidato sa University of Cebu (UC) ang gikatakdang mokuha sa 2022 Bar examinations ning buwana.
Kini maoy gibutyag ni abogado ug UC Law Dean Al-Shwaid de Leon sa SunStar Cebu sa Nobiyembre 7, o usa ka ka adlaw sa dili pa magsugod ang eksaminasyon karong Miyerkules, Nobiyembre 9, 2022.
Si De leon niingon nga approximate number lang kini sanglit wala silay ideya sa eksaktong gidaghanon sa mga retaker gikan sa tunghaan.
“I believe all our examinees have complied with the 14-day quarantine requirement,” matud ni De Leon.
Ang 2022 Bar exams magpadayon sa Nobiyembre 9, 13, 16, ug 20 nga orihinal nga gikatakda ug gipahibalo sa Bar Bulletin No. 6, S. 2022, sumala sa tigpamaba sa Supreme Court (SC) nga si Brian Hosaka kaniadtong Nobiyembre 1, 2022. (MKG)