Andam na ang Philippine National Police (PNP) nga mobutang og tracker teams sa higayon nga moluwat na ang korte og warrant of arrest batok kang suspendidong Bureau of Corrections (Bucor) director General Gerald Bantag, giingong utok sa pagpatay sa beteranong broadcaster sa radyo nga si Percy Lapid (Percival Mabasa sa tinuod nga kinabuhi).
Si PNP Chief Rodolfo Azurin Jr. niingon niadtong Miyerkules, Nobyembre 8, 2022, nga iya nang gimandoan ang Police Security Protection Group (PSPG) sa paghatag og security assistance ni Bantag, ingon man ang Bucor security official nga si Senior Superintendent Ricardo Zulueta, nga gikonsiderar nga mahimong kuyaw nunot sa ilang pagkalambigit sa pagpatay ni Lapid.
“So far, wala pa naman response si Gerald. As for Zulueta naman, still efforts to locate him still being undertaken by the NBI (National Bureau of Investigation) as well as the PNP kasi we also wanted their safety so that they can face the charges that was filed against them so that we would really know who are the persons responsible in the killing of Percy Lapid as well as Jun Villamor,” matod niya.
“So ang ano diyan is if they feel that they need security, sabi ko nga we are willing to provide at their own choice kung sino ‘yung pulis na gusto nilang mag-provide ng security sa kanila,” dugang niya.
Matod ni Azurin nga ila usab nga gisubay ang ubang mga kakunsabo sa pagpatay kang Lapid, sama sa managsuong Israel ug Edmund Dimaculangan, ug usa ka alyas Orly.
Sa laing bahin, si NBI supervising agent Attorney Eugene Javier nipadayag og pagsalig nga sila si Bantag ug Zulueta ania pa sa Pilipinas apan wala pay aktibong mga paningkamot sa pagpangita kanila samtang nagpaabot pa sila sa pagpagawas sa warrant.
Si Justice Secretary Jesus Crispin Remulla niawhag kang Bantag ug Zulueta nga mogawas ug mopasaka sa ilang counter-affidavit sa korte ug dili motubag sa mga pasangil pinaagi sa media.
“Sana sumagot sila ng counter affidavit. Huwag sila sa media sasagot. Mag-counter affidavit sila. ‘Yan ang proseso ng batas natin e. Igalang nila ang batas. Alagad sila ng batas tapos ganyan sila magsalita, ‘di ba?” siya nagkanayon. (TPM sa SunStar Philippines)