Rama mo-terminate sa kontrata sa M.E. Sicat Construction sa CCMC

Screengrab from Cebu City News and Information
Screengrab from Cebu City News and Information

Nipadayag si Mayor Michael Rama sa Miyerkules, Nobiyembre 9, 2022, nga iyang putlon ang kontrata sa M.E. Sicat Construction nga nakadaog sa kontrata sa pagtiwas sa ika-8 hangtod sa ika-10 nga andana sa Cebu City Medical Center (CCMC).

Si Rama niingon nga wala na siya makaaguwanta sa kalangay sa construction sa CCMC nga unang gisugdan niadtong 2015, atol sa ikaduhang termino ni Rama isip mayor.

“As your mayor, I have decided to cancel or in effect we will pursue the cancellation of the constructive works under the law with observance of due process. At this point in time I have become impatient for the people.All constructed works are hereby canceled and surely due process will be observed,” matud ni Rama atol sa iyang gipatawag nga press conference.

Si Atty. Jerone Castillo, kanhi City Attorney ug special assistant on project (SAP) ilawom sa Office of the Mayor, nipasabot nga ilawom sa Republic Act 9184 kun Government Procurement Reform Act, mahimong makanselar ang kontrata.

“(Their) failure to comply with a valid instruction of the procuring entity under this rules is enough basis for us to terminate a contract....” padayag ni Castillo.

Ang Office of the Mayor niumol og Contract Termination Review Committee (CTRC) nga nalatid sa balaod para mahatagan og due process ang nalambigit nga party.

Samtang, si Michael Allan Sicat, presidente sa M.E. Sicat Construction, niingon nga wa pa siya pahibaw-a daan ni Rama bahin sa pagkanselar sa kontrata sa pagtukod sa Phase 4 sa CCMC.

Siya nitug-an sa SunStar Cebu niadtong Miyerkules, Nobiyembre 9, 2022, nga sa social media lang niya nahibaw-an ang kanselasyon. “Wala pa mi maghisgot niana. I’m unaware of that,” matod ni Sicat.

Kon duna bay basehanan si Rama sa pagkanselar sa kontrata ni M.E. Sicat, si Sicat niingon: “I’d like to say that I’m compliant with the contract. It’s better that I might have a discussion with the mayor regarding his concerns.”

Matud ni Sicat, ang kontrata nga iyang gipirmahan isip representante sa joint venture sa M.E. Sicat Construction Inc. ug Avecs Corp. uban ni Rama isip representante sa Cebu City Government niadtong Abril 6, 2022 naghatag kaniya og 570 ka adlaw sa kalendaryo, o hangtod sa ulahing bahin sa 2023 pa sa pagkompleto ug paghatag sa sulod sa ikatulo ug ikaupat nga andana, ug sa pagtukod sa ikapito ngadto sa ikanapulo nga andana sa CCMC. Ang kontrata nagkantidad og P907,999,869.74.

Kabahin sa deadline sa adlaw’ng natawhan ni Rama niadtong Oktubre 28, si Sicat niingon, “That was just a request and that the City Government had been able to inaugurate an operating room on the third floor on that day.”

Si Rama nagkanayon nga tulo na ka mayor ang namunoan sa City Hall apan wa pa mahuman ang proyekto nga niabot na og pito ka tuig bisan kon adunay igong pundo nga gigahin alang sa construction.

“It is my view that they have been short change of an expected health, medical and diagnostic services and impatient as to the poor realization of their dream hospital for the poor with the rich man service,” dugang ni Rama.

Ang mayor nagkanayon nga dili na mopahigayon og laing public bidding ang Bids and Awards Committee (BAC). Inay mangita sila og laing solusyon nga di na makagasto ang Siyudad para pagtiwas sa CCMC.

“No more (public bidding), I have enough of it. As much as possible we resort to certain arrangement, if there is a will, there is a way,” pasalig ni Rama. (PAC / CTL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph