Spence vs. Thurman gimando sa WBC

Spence vs. Thurman gimando sa WBC

Nipagawas og mandatu ang World Boxing Council (WBC) nga kinahanglang depensaan ni American Errol Spence ang iyang WBC welterweight title batok sa kababayang si Keith Thurman sa sunod niyang tahas.

Nisulpot kining maong kalambuan human nalubog ang negusasyon kabahin sa gikahinamang unification bout nila ni Spence ug World Boxing Organization (WBO) welterweight king Terrence Crawford.

Ang WBC Board of Governors nagkausa sa pagdesisyon nga ihan-ay ang panagharong nila ni Spence ug Thurman.

Si Spence, kinsa mao sab ang tag-iya sa welterweight titles sa World Boxing Association (WBA) ug International Boxing Federation (IBF), adunay 28-0, 22KOs nga rekord.

Samtang si Thurman, kinsa maoy WBC mandatory contender, naggunit og 30-1, 22KOs nga baraha. /

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph