Mga duwa karon:
(High School)
12:30 pm- UV batok UCLM
2:00 pm- SHS-AdC batok CBSAA
(College)
3:30 pm- UC batok USC
5:00 pm- UV batok CITU
Gipakgang sa University of Cebu (UC) Webmasters ang kainit sa University of Southern Philippines Foundation (USPF) Panthers, 66-60, sa main game niadtong Huwebes sa gabii, Nobiyembre 10, 2022 sa Cebu Schools Athletic Foundation Inc. (CESAFI) basketball college division sa Cebu Coliseum.
Ang Webmasters, nga ningsaka sa 3-3 nga rekord, maoy nakaputol sa upat ka sunodsunod nga kadaugan sa Panthers, nga nahagbong sa 5-2 nga rekord.
Mahinungdanon alang sa Webmasters ang kadaugan gumikan kay nakadugkat kini og kahayag sa ilang paglaom alang sa nagkaduol nga semi-final round.
Gipangulohan ni Michael Diaz ang Webmasters pinaagi sa iyang 14 puntos samtang niamot og 12 puntos si Paul Galinato.
Ang Panthers gipangulohan nila ni CJ Alilin, Neon Chavez, ug Karl Langahin pinaagi sa ilang 10 puntos matag usa.
Sa high school division, gipangmakmak sa UC baby Webmasters ang UC Lapu-Lapu and Mandaue, 72-54.
Ang baby Webmasters ningsaka sa 4-1 nga rekord samtang ang UCLM nahagbong sa 1-5 nga rekord. / ESL