Moasdang ang Sugboanong si Renan “Limbas” Noblefranca sa Yaw-Yan Ardigma Cebu sa Dipolog City karong gabii alang sa Zamboanga Del Norte Amateur Mixed Martial Arts (MMA) promotion sa Zamboanga Del Norte Cultural and Sports Center.
Si Noblefranca makigbatok kang Ramel “The Warrior” Yacapin sa Gold Flex MMA Gym sa Cagayan de Oro City sa usa ka kickboxing bout.
Ang away nahilakip sa undercard fights sa promosyon, nga libre alang sa publiko.
Kauban ni Noblefranca nga ningsulong sa Dipolog City mao si Yaw-Yan Ardigma Cebu CEO Master Benigno “Ekin” Caniga Jr. Laing taga Sugbo nga si Arnel “Ronin X” Ylanan mopakita sab og aksyon sa promosyon.
Si Ylanan, kinsa lumad nga taga Mandaue City, makigharong sa laing sakop sa Gold Flex nga si Victor “Gladiator” Torre. / ESL