USA ka opisyal sa Land Transportation Office-Davao Region (LTO-Davao) angnagsulti nga ang bike lanes "not applicable" sa Davao City tungod sa gidak-on sa kadalanan.
"Nagkaroon lang siya og medyo pamoso during pandemic time, nga mao ang active transportation. Dili siya applicable gyud dapat," matud ni Thomas Edward Roales, Law Enforcement Division Chief sa LTO Davao, atol sa AFP-PNP Press Conference niadtong Nobyemre 9, 2022.
Gisulti ni Roales nga ang kadalanan sa Davao City way kapabilidad sa pag-akomodar sa bike lanes tungod sa gidak-on niini nga gamay na gani itandi sa ubang mga nasud.
"Three meters ang kalsada, ang standard, [unya] gikuhaan og one meter. Ang allowable nga width sa isa ka vehicle is 2.2 meters, up to 2.2 molapas na gani siya," pagklaro niya.
Tug-an sab niya nga ang kasamtangang bike lanes sa siyudad di luwas alang sa tanan kinsa naggamit niini.
"Ang slow-moving vehicle naa sa outermost lane, naa pud didto ang bicycle lane. Ang public utility buses naa pud didto sa outermost lane. Imagine naa ang bus didto, naa ang jeepney, naa ang motor, naa pa gyud ang bicycle. So, dili siya safe, unless parehas sa laing nasud nga physically separated siya," dugang pagtin-aw ni Roales.
Kini maoy hinungdan nganong nag-awhag si Roales sa Konseho sa siyiudad ug uban pang ahensiya nga nalambigit nga sulayan og lili og balik ug i-reclassify ang mga dalan kon diin ang mga bicycle lanes napahimutang.
Usa pa nga gipasibaw bahin sa pagbaton og bicycle lanes sa Toril mao ang "ombak", usa ka behikulo, nga wala gitugtan sa national highway.
Matud ni Roales nga gitakdang hisgutan kini ngadto sa mga nalambigit nga ahensiya sa 2023 na tungod sa kaokupado sa ilang eskedyul karon.