GILAUMAN nga mas mapalig-on pa ang puwersa sa militar sa Central Mindanao sa bag-ong nadawat nga kanyon nga 155 Self-Propelled (ATMOS 2000) Howitzers.
Bag-o lang nagpahigayon og live fire exercises ang mga sundalo sa Barangay Talisawa, Datu Abdullah Sangki, Maguindanao del Sur gamit ang moderno nga kanyon.
Si Lieutenant Colonel Chamberlain Esmino, Battalion Commander sa 10th Field Artillery Battalion miingon nga ang kalihokan kabahin sa pagtapos sa 10FAB Battalion Organizational Training.
Walo sa dose ka 155mm (ATMOS 2000) Self-Propelled Howitzers ang gidala sa Mindanao.
Ang nag-unang tumong sa armadong kusog sa Pilipinas mao ang pagpalig-on ug pagsumpo sa terorismo ug insurhensiya sa Central Mindanao.
Giseguro sa Kampilan Troopers nga ang lugar diin gihimo ang live fire exercises gipahibalo una ang "game changer assets" sa kasundalohan ngadto sa katawhan.
Gidugang ni 6th Infantry (Kampilan) Division Chief ug Joint Task Force Central Commander Major General Roy Galido nga ang ATMOS mao ang kinadak-ang hinagiban sa Army Arsenal karon.
Gipalit kini sa gobyerno sa Israel isip kabahin sa modernization program sa Armed Forces of The Philippines.
Gibanabana nga moabot sa 41 kilometros ang maximum effective range nga maabot sa kinadak-ang armas sa sundalo ug 200 metros ang killing radius niini.