Usa ka singko anyos nga babaye nahimong labing batan-ong Filipino world champion sa jiu-jitsu.
Basi sa taho ni Oscar Oida sa television program “24 Oras” sa GMA 7, si Aleia Aielle Aguilar nakasakmit og world title human niya gilupig ang iyang Brazilian nga kontra sa 2022 Abu Dhabi World Jiu-jitsu Championship sa United Arab Emirates niadtong Dominggo, Nobiyembre 13, 2022 (PH time).
Si Aleia anak nila ni Alvin Aguilar, kinsa maoy gikonsiderar nga ‘father of mixed martial arts’ sa Pilipinas, ug kanhi jiu-jitsu world champion Maybelline Masuda.
Nagkanayon si Alvin nga isip founder sa URCC, daghan nang mga away ang iyang nasaksihan apan lisod gihapon alang kaniya ang pagtan-aw kon ang iyang anak ang moaway.
“She called me up and she said, ‘Papa I’m gonna show you my gold medal later OK.’ I was like, ‘Wow, OK,’” matod ni Alvin nga napatik sa www.gmanews.tv.
“She was confident that she produced, that she did a flawless performance and nobody scored on her. I’m very, very happy.”