Mga 'red flags' o 'warning signs' sa Diabetes nga angay bantayan

USAHAY, ang diet, mura usab og love life. Sa sobrahan gyod ka-sweet, dili na panungbalingon ang mga red flags nga posibleng makadaot.

Ingon ani ang sakit nga diabetes, daghang mga Pilipino ang nag-antos sa maong sakit nga wala nahibal-an. Sa banabana sa DOH, dul-an sa 1 ngadto sa 10 ka mga Pilipino ang posibleng adunay niini nga sakit. Kitang tanan kinahanglang magbantay. Mahimong matambalan kini, apan ang kakuwang sa sayong pagpa-test ug pagtambal mao ang usa sa mga rason nganong usa kini sa mga nag-unang hinungdan sa kamatayon dinhi sa Pilipinas.

Pagsalikway sa kasagaran nga patuotuo

Ang lima ka warning signs sa diabetes o pre-diabetes naglakip sa:

1. Sobra sa pagpangihi. Ang kasagaran nga tawo nangihi 6-7 ka beses sa usa ka adlaw. Kung ang usa ka tawo mangihi ug sobra sa walo ka beses sa usa ka adlaw, makonsiderar kini nga ikabalaka, labi na kung giubanan kini sa sobra nga kauhaw, nga usa usab ka simtomas sa diabetes. Kung dili, ang sobra nga pag-ihi mahimo usab nga timailhan sa UTI o ubos nga potassium.
2. Sobra sa pagkauhaw bisan pa sa pag-inom og daghang tubig. Kon ang imong lawas adunay taas nga blood sugar level, ang kidney mopagawas sa sobra nga sugar pinaagi sa sobra nga pag-ihi. Usa sa mga side effects niini mao ang kanunay nga pagkauhaw sa pasyente nga adunay diabetes tungod kay dehydrated na ang lawas.
3. Gibati nga pagkalipong o gikapoy. Normal lang nga makabati ug pagkalipong o kakapoy kung kulang sa tulog ang tawo, apan ang kanunay nga pagkalipong ug kakapoy bisan pa sa kanunay nga pagpahulay mahimong timaan sa diabetes. Usa kini sa mga epekto sa grabe nga dehydration tungod sa taas nga blood sugar level.
4. Pagpaminhod sa mga kamot o tiil. Ang pagpaminhod sa mga kamot ug tiil maoy usa sa mas makaalarma ug grabeng sintomas sa ulahing yugto sa diabetes. Ang pagpamanhid usa ka sayo nga timailhan sa nerve damage ug mahimong hinungdan sa grabeng pagpanginit sa lawas sa tawo kung dili matambalan.
5. Pagkahanap sa panan-aw. Usa sa mga side effects sa dehydration tungod sa diabetes mahimong grabe nga pagkauga sa mata, nga makaapekto sa panan-aw. Ang glaucoma, laing kondisyon diin ang nerve damage sa mata hinungdan sa mga problema sa panan-aw, mahimo usab nga ma-trigger sa diabetes.

Ang importansya sa pagpatest