Si Presidente Ferdinand “Bongbong” Marcos Jr. niisyu sa Miyerkules, Nobiyembre 16, 2022 sa Proclamation 90, nga nag-usab sa mga petsa sa tulo ka gideklarar nga holidays alang sa 2023.
Ubos sa Proclamation 90, gideklarar ni Marcos ang Enero 2 isip dugang Special Non-Working Day, ug ang Abril 10 ug Nobiyembre 27 isip Regular Holidays.
Gikan sa Abril 9, nga natumong sa Dominggo sa 2023, gibalhin ni Marcos ang tinuig nga paghandom sa Araw ng Kagitingan ngadto sa Abril 10, Lunes.
Ang tinuig nga petsa sa obserbasyon alang sa Bonifacio Day mao ang Nobiyembre 30, apan sugod sa sunod tuig, kini saulogon sa Nobiyembre 27.
“There is a need to adjust these holidays pursuant to the principle of holiday economics wherein a longer weekend will help encourage domestic travel and increase tourism expenditures in the county,” matod sa kamandoan.
Gidugang niini nga ang tanan nga ubang mga probisyon sa Proclamation 42, nga adunay lista sa uban pang mga holiday alang sa 2023, nagpabilin nga wala mausab, balido ug nagpadayon.
Ang mga regular nga holiday para sa 2023 mao ang:
* Enero 1 - New Year’s Day
* Abril 10 - Araw ng Kagitingan
* Abril 6 - Huwebes Santo
* Abril 7 - Biyernes Santo
* Mayo 1 - Labor Day
* Hunyo 12 - Independence Day
* Agusto 28 - National Heroes’ Day
* Nobiyembre 27 - Bonifacio Day
* Disyembre 25 - Christmas Day
* Disyembre 30 - Rizal Day
Ang mga espesyal nga adlaw nga walay trabaho naglakip sa mosunod:
* Enero 2 - Dugang Special Non-Working Day
* Pebrero 25 - Anibersaryo sa Edsa People Power Revolution
* Abril 8 -Black Saturday
* Agusto 21 - Ninoy Aquino Day
* Nobyembre 1 - Adlaw sa mga Santos
* Nobyembre 2 - Dugang Special Non-Working Day
* Disyembre 8 - Piyesta sa Immaculate Conception of Mary
* Disyembre 31 - Katapusan nga Adlaw sa Tuig.
(SunStar Philippines)