Inaton og suway sa Brgy. Ginebra Gin Kings ang ilang sunodsunod nga kadaugan ngadto sa upat sa ilang pagpakigbatok sa Blackwater Bossing sa main game karong alas 5:45 sa hapon sa Philippine Basketball Association (PBA) Commissioner’s Cup sa Smart Araneta Coliseum.
Ang Gin Kings, nga adunay 5-2 nga rekord, kasamtangang anaa sa ikaupat nga luna sunod sa Magnolia Hotshots (8-1), Bay Area Dragons (8-2) ug Converge FiberXers (8-2) apan buhi pa ang ilang paglaom sa inilugay sa top 2 spots.
Ang makasulod sa top two makapanag-iya og twice-to-beat nga bintaha sa quarter-finals.
Sa ilang bahin, ang Bossing anaa sa delikadong kahimtang dala ang 3-7 nga rekord.
Sa premirong duwa, magsangka ang NLEX Road Warriors ug ang nagkaguliyang nga Terrafirma Dyip sugod sa alas 3:00 sa hapon.
Ang Road Warriors kasamtangang naa sa ika-11 nga dapit bitbit ang 3-6 nga rekord samtang ang Dyip nagbitay sa labing ubos dala ang 0-9 nga rekord.