Malaumon ang Samahang Basketbol ng Pilipinas (SBP) nga makaduwa si Brgy. Ginebra Gin Kings resident import Justine Brownlee sa Gilas Pilipinas alang sa sixth window sa FIBA Basketball World Cup Asian Qualifiers nga ipahigayon karong Pebrero, 2023.
Kini human naaprubahan sa House Committee on Justice sa miaging adlaw ang first reading sa balaod nga maghatag kang Brownlee og Filipino citizenship.
Si SBP president Al Panlilio nagpasalamat sa Congress ning maong kalambuan ug naghinamhinam na siya nga maaprubahan ang second reading.
“I also am grateful to 1-Pacman Partylist Rep. Mikee Romero for authoring House Bill 825, and to Deputy Speaker and Antipolo Rep. Robbie Puno and other members of the Justice Committee, for their prompt approval of the bill which will now be submitted to the House Committee on Rules for second reading,” pamahayag ni Panlilio nga napatik sa www.abs-cbnnews.com.
Ang balaod kinahanglan pa maaprubahan sa Philippine Senate ug mapirmahan ni Presidente Bongbong Marcos.
Ang sixth window ipahigayon sa Philippine Arena sa Bocaue, Bulacan diin kombatihon sa Gilas Pilipinas ang Lebanon ug Jordan.