ANG Social Security System (SSS) nagpahinumdom sa mga miyembro ug pensiyonado niini nga apektado sa Bagyong Paeng nga kutob na lamang Pebrero 16, 2023 ang paghatag og pinansiyal nga tabang.
Segun ni SSS President ug Chief Executive Officer Michael Regino, maka-avail sa 3-month advance pension ang mga SSS ug employees’ compensation pensioners pinaagi sa SSS Calamity Assistance Package nga gilangkuban sa Calamity Loan Assistance Program (Clap).
Tanang miyembro ug pensiyonado sa mga lugar nga gideklara sa National Disaster Risk Reduction and Management Council o Sangguniang Bayan, Panglungsod, o Panlalawigan nga anaa sa state of calamity ang mo-qualify sa ayuda.
Ilawom sa Clap makahuwam og usa ka bulan nga salary credit o hangtud P20,000 ang mga benepisyaryo.
Ang mga naapektuhan sab sa Bagyong Karding dunay hangtud Enero 6, 2023 aron makaavail sa maong ayuda. (JPC uban sa PR)