DESIDEDO ang 38-anyos nga dalaga nga magpakasal sa lalaki nga igo lamang niya nahimamat sa internet o social media.
Kini ang gibutyag ni Jenelyn, 32 anyos, dihang nahinabi sa personal sa SuperBalita Davao, kinsa nagbutyag nga ang iyang igsoon nga ginganlan og Laila, 38 anyos, nga atoa nanarbaho sa nasud sa Hong Kong mouli sa ilang panimalay sa Mati City karong bulan sa Disyembre gumikan kay matud pa magpakasal sa lalaki nga wa pa niini igkita sa personal.
Sumala pa ni Jenelyn nga ang maong lalaki taga Agusan del Sur nga nakaila lamang sa iyang maguwang sa Facebook.
Giingon ni Jenelyn nga sa sinugdanan, wa miuyon o wa misugot sa planong pagpakasal ang ilang ginikanan labi na nga ang maong lalaki mas bata sa iyang maguwang og lima ka tuig ug duna pa gayod tulo ka anak sa unang babayeng gikapuyo apan.
Sumala pa nga sa sige’g pamugos sa dalaga ngadto sa ilang ginikanan, misanong nalang sab kini labi na nga lagpas kalendaryo na sab ang edad.
Dugang gibutyag ni Jenelyn, nga pinaagi sa video call namalaye o nananghid na sa ilang ginikanan ang lalaking pakaslan sa iyang maguwang.
Nakatakdang mouli sa Pilipinas ang maguwang ni Jenelyn karong Disyembre 10, 2022 ug mao sab ang unang higayon nga makita sa personal ang lalaki nga pakaslan niini nga base sa nasabutan pinaagi video call, ang kasal ipahigayon sa unang semana sa bulan sa Pebrero tuig 2023.