Naangkon sa Pinoy nga si Carlo Biado ang kampyunato sa Medalla Light Puerto Rico Open, nga maoy katapusang edisyon sa World 10-ball Ranking Pro Billiards Series.
Sa finals sa kompetisyon, nga gipahigayon niadtong Sabado, Nobiyembre 19, 2022 (PH time), sa Puerto Rico Convention Center, gilupig ni Biado si Daniel Maciol sa Poland, 2-0 (4-1, 4-3).
Sa kalampusan, nakabulsa si Biado og $25,000 nga ganting salapi.
Giharos pagdaog ni Biado ang tanan niyang siyam ka mga duwa aron iugbok ang hingpit nga dominasyon ning upat ka mga adlaw nga kompetisyon.
Si Biado nisakmit sa labing una niyang individual title sa Predator Pro Billiards Series aron idugang sa iyang World team crown nga iyang nakuha kauban sila si Johann Chua ug Rubilen Amit niadtong Septiyembre, 2022.