Ang nag-unang e-wallet sa Pilipinas, GCash, nagmintinar sa dominasyon sa merkado sa pagtapos sa unang siyam ka mga bulan sa tuig 2022 nga nitala kini og gross transaction value (GTV) nga P4.8 trilyon.
Nilabaw kini sa P3.8 trilyon nga GTV nga natala sa tibuok tuig sa 2021.
Ang mga rehistrado karon nga tiggamit sa GCash mitubo usab gikan sa miaging quarter, gikan sa 66 ka milyon nga tiggamit, misutoy ngadto sa 71 milyon ka mga tiggamit.
Atol sa quarterly media briefing sa GCash parent company, Globe Group, si Mynt Chief Financial Officer Tek Olaño nipaambit, “as of the end of September this year, our registered base continued to grow with 71 million Filpinos using Gash and trusting our platform. We continue to see high user engagement, which serves as further proof that we have become embedded in the everyday lives of Filipinos.”
Gihatagan usab og gibug-aton ni Olaño nga ang GCash nagpabilin nga #1 Finance App sa nasod samtang makanunayon nga nagmintinar sa ginansya.
Ang GCash active user base nagpadayon nga mas dako kay sa popular nga social media sites, ug 5x mas dako kay sa sunod nga e-wallet, base sa inila nga third-party nga plataporma nga DATA.AI,” dason niya.
Sa samang paagi, ang GCash nagpadayon sa pagpalapad sa iyang merchant ug social seller base nga niabot na sa 5.5 milyunes sa nahisgutang panahon, 1.6x mas dako kay sa samang panahon sa 2021.
Gipaambit usab ni Olaño nga ang GCash midugang sa pagpadako sa ilang mga cash-in ug cash-out outlets para sa mga tiggamit niini sa kapin sa 557,000 – ang labing daghang digital touchpoints para sa bisan unsang e-wallet sa nasod.
Ang GCash e-commerce platform, GLife, mipausbaw usab sa gidaghanon sa mga merchant ngadto sa 582, nga nagtanyag sa mga produkto ug serbisyo gikan sa mga kategorya sama sa content, health, insurance, ug e-government.
Sa panglantaw sa unahan, si Olaño niingon nga ang GCash nagtumong sa pagserbisyo sa daghang mga Pilipino bisan asa sila.
Una sa tanan, ang GCash hingpit nga nagsuporta sa Bangko Sentral ng Pilipinas (BSP) ug sa Department of the Interior and Local Government (DILG) Paleng-QR Ph program nga nagtinguha nga mahimong mas accessible ang pinansyal nga serbisyo sa mga public market vendors ug tricycle drivers.
Gipaambit usab niya nga ang e-wallet naghimo usab og mga lakang aron mahimo ang mga serbisyo niini nga magamit sa mga Filipino sa gawas sa nasod - pagpahimulos sa pakigtambayayong niini sa higanteng fintech sa rehiyon, Alipay.
Pinaagi niini nga partnership, ang mga kustomer makagamit sa GCash sa pagbayad pinaagi sa QR sa mga establisemento sa Japan, Malaysia, Singapore, ug labing bag-o, South Korea.
“We will continue to deliver on our promise of convenience, reliability and accessibility so our customers can avail of essential financial services confidently in line with our vision of Finance for All,” matud ni Olaño. (PR)