Ang Kagamhanan sa Estados Unidos (US) mohatag og dugang $5 milyones o mokabat sa P286 milyones ngadto sa Pilipinas aron pondohan ang mga paningkamot sa pagpaspas sa coronavirus disease (Covid-19) vaccination rollout sa nasod.
Kini ang gipahibalo ni US Second Gentleman Douglas Emhoff, bana ni US Vice President Kamala Harris, atol sa iyang pagbisita sa Gregoria de Jesus Elementary School sa Caloocan City.
Siya niingon nga ang pinansyal nga tabang, nga ipaagi sa US Agency for International Development ubos sa American Rescue Plan, makatabang sa “pagsuporta sa pag-apod-apod sa bakuna alang sa mga bata ug mga hamtong subay sa mga paningkamot sa gobyerno sa Pilipinas sa pagbakuna sa Covid-19 aron mapakusog ug mapalig-on sa nasud ang pader sa immunity.”
Gitunol usab ni Emhoff ang mga donasyon nga kahon sa Covid-19 supplies nga gilangkuban sa hygiene kit, N95 face masks, finger oximeter ug forehead thermometer aron ipasiugda ang luwas nga pagpadayon sa face-to-face nga klase.
Nagdonar sab ang US og tablet para sa eskwelahan.
“I know the last couple years have been very hard. It had been very hard for schools. It had been very hard for teachers, and children and communities. I know schools have been virtual for over two years as the Philippines has fought so hard against this pandemic,” matod ni Emhoff.
“It is so good to see children back here in schools and in the classrooms. I love it!” siya nidugang.
Giawhag ni Emhoff ang mga Pilipino nga magkuha sa ilang mga shot aron malikayan ang pagkatap sa virus ug aron madugangan ang pagduso sa pader sa resistensya.
“We have been working hard to continue getting everyone, not only in the United States, but everyone around the world, vaccinated. I spent the first year plus traveling all around the country encouraging Americans to get vaccinated, and I take that same encouragement here in the Philippines because we need to keep fighting, we need to keep pushing forward on this vaccination,” matod niya. / TPM sa SunStar Philippines