Gikuha nga “pinugsanay” sa Chinese Coast Guard ang usa ka wala mailhing naglutaw nga butang nga nakuha sa mga tropa sa Pilipinas sa Pag-asa Island sa Kalayaan, Palawan, matod sa Armed Forces of the Philippines (AFP) Western Command (Wescom sa Lunes, Nobiyembre 21, 2022.
Sa usa ka pamahayag, si Wescom commander Vice Admiral Alberto Carlos niingon nga ang usa ka team gikan sa Naval Station Emilio Liwanag (NSEL) nagpahigayon og ocular inspection sayo sa buntag sa Dominggo, Nobiyembre 20, human mamonitor pinaagi sa long range camera ang wala mailhing naglutaw nga butang mga 800 ka yarda sa kasadpan sa Isla sa Pag-asa.
“Upon arrival, the team immediately retrieved the floating object, tied it securely to their boat and started towing it back to NSEL,” matod niya.
“However, as the NSEL Team was towing the floating object, they noticed that China Coast Guard vessel (CCGV) with Bow Number 5203 was approaching their location and subsequently blocked their pre-plotted course twice. CCGV5203 then deployed its Rigid Hull Inflatable Boat (RHIB),” siya nidugang.
Matod ni Carlos nga pugsanay nga gikuha sa mga Chinese personnel ang naglutaw nga butang pinaagi sa pagputol sa towing line nga gitaod sa NSEL rubber boat dayon giguyod balik sa ilang barko.
Wala maunsa ang mga sundalong Pilipino ug nakahukom nga mobalik sa Isla sa Pagasa.
Matod ni Carlos nga ila nang gitaho sa National Task Force (NTF) sa West Philippine Sea ang maong insidente alang sa tukmang aksyon. (TPM sa SunStar Philippines)