Usa ka pribadong kompaniya niduso og unsolicited proposal para sa underground cabling sa dakbayan sa Sugbo.
Kini ang gibutyag ni Konsehal Jerry Guardo, chairman sa committee on infrastructure sa City Council, human nibisita kang Mayor Michael Rama ang mga representative sa Pivotal Adaptive Services nga nagbase sa America ug ang Metroworks nga nipadayag sa ilang intensyon paghimo sa maong proyekto.
“This is inline with the direction of Mayor Michael Rama for the Singapore-like Cebu City and in order for us to achieve that standard, kinahanglan ang atong installation for our overhead wires must be underground na,” padayag ni Guardo.
Ang konsehal, kinsa apil sa maong tigom uban ni Rama sa miaging semana, nagkanayon nga interesado ang mayor sanglit walay gasto ang dakbayan kay usa man kini ka unsolicited proposal.
Si Guardo niingon nga sa sayong bahin sa 2023, moduso na ang maong private firm sa ilang unsolicited proposal. (PAC)