Ang Fraternal Order of Eagle-Philippine Eagles (TFOE-PE) nipagawas og P1 million cash assistance isip hinabang para sa mga biktima sa bagyong Paeng nga nakaapekto sa dili mominus 4 milyunes niadtong Oktubre 28-31, 2022
Kini ang gipahibalo sa TFOE-PE National President, Nelson Sarrapudin, niadtong Nobiyembre 1, 2022 subay sa iyang pormal nga imbitasyon sa tanang mga miyembro alang sa 40th National Congress niadtong Nobiyembre 18-19, 2022 sa Waterfront Hotel and Casino sa Cebu City .
Nanawagan usab si Sarrapudin sa tanang Regional Governors ug Club Presidents nga paspasan ang paglusad sa socio-civic operation nunot sa bagyo nga labing grabeng gibati sa Regions 5, 6, 8, 12 ug sa Bangsamoro Autonomous Region in Muslim Mindanao (BARMM), nga adunay kapin sa 557,000 ka mga tawo ang apektado.
“Ako poy nanawagan sa inyo mga Kuya. Lahat ng regional governors, club president. Tayo po ay tumulong sa boung bansa sa lahay ng baha. Sa Luzon, Bisayas, Mindanao. Yun lang po ang mission, vision natin, tumulong lang po tayo,” matud ni Sarrapudin.
TUBAG
Ang Central Visayas Region 6 (CVR-6), nga maoy host sa miaging national congress, nisanong sa panawagan sa nasudnong presidente niini alang sa disaster response.
Niadtong Oktubre 31, 2022, niboluntaryo ang mga sakop sa Eagles club sa Central Visayas alang sa repacking operation nga gipasiugdahan sa Department of Social Welfare and Services (DSWD) 7 sa bodega sa maong ahensya sa Mandaue City ug Labangon sa dakbayan sa Sugbo.
Lakip sa operasyon ang paghan-ay sa mga hinabang nga donasyon gikan sa nagkalainlaing organisasyon nga ihatod sa mga biktima sa kalamidad.
Gipaambit ni CVR-6 Regional Governor, Kuya Arnold De Asis, nga bisan sa wala pa moabot ang anunsyo, ang iyang rehiyon naglunsad na og mga socio-civic operations ug nangandam na alang sa dali nga deployment ilabi na sa Nobyembre diin kadaghanan sa mga bagyo motadlas sa nasud.
Sa Sugbo, si De Asis niingon nga niadtong Oktubre 28, ang CVR 7, niresponde sa pagpadala og hinabang ngadto sa mga nasunogan sa Sitio San Francisco, Yati Liloan, Cebu niadtong Oktubre 25, 2022. Ang sunog nakaapekto sa dili mominos 20 ka pamilya ug nagbilin og danyos nga P350,000.
Ang relief operation gipasiugdahan sa CVR 6’s clubs: Metro Sugbo Mantawi Eagles Club ug Metro Elite Sugbo Mantawi Eagles Club.
Si De Asis nidugang nga ang CVR 6’s Grand Mantawi Eagles Club clubs nilugway usab sa environmental clean-up niadtong Oktubre 16, 2022 sa Pajara Park Bay sa Barangay Umapad sa Mandaue City, Cebu.
Usa kini ka matang sa preventive measure alang sa bisan unsang pagbaha nga bag-o lang miigo sa mga nag-unang karsada ug mga agianan sa Sugbo, Mandaue ug mga silingang lungsod ug dakbayan sa Talisay, Lapu Lapu, Minglanilla ug Liloan.
Ang mga rehiyonal nga club nagpalapad usab sa kooperasyon sa mga ahensya sa administratibo ug mga pribadong grupo sa pagpugong sa katalagman, ingon ni De Asis.
Sa miaging Oktubre 12, 2022, ang CVR 6 mihimo og initiatory cooperative meeting uban sa Asia Pacific Alliance for Disaster Management.
Nidugang si De Asis nga niadtong Oktubre 28, 2022, ang CVR 6 midonar usab og hygiene pack ngadto sa Department of Justice (DOJ) sa Talisay City, Cebu, sa pag-obserbar sa National Correctional Consciousness Week nga nagtinguha sa pag-atiman sa kaayohan sa mga Persons Deprived of Liberty (PDLs) sa correctional facility sa tibuok nasod. (PR)