Giaprubahan sa House of Representatives sa second reading ang House Bill 6224 nga maghatag og Philippine citizenship ngadto kang Brgy. Ginebra Gin Kings resident American import Justin Brownlee.
Nalatid sa congressional fact sheet nga ang dakong kontribyusyon ni Brownlee sa Philippine basketball, partikyular sa Philippine Basketball Association (PBA), maoy gihimong basihan sa Kongreso.
Sa pagpangulo ni Brownlee, naangkon sa Gin Kings ang labing una niining titulo sa PBA niadtong 2016.
Nadugangan pa kini og laing duha ka mga titulo niadtong 2017 ug 2018 diin napili si Brownlee isip Best Import.
Gihimo sab basihan sa Kongreso ang interes ni Brownlee nga moduwa sa Gilas Pilipinas alang sa umaabot nga 2023 FIBA Basketball World Cup diin co-host ang Pilipinas kauban ang Indonesia ug Japan.