Nagtambayayong ang Cebu Executives and Professionals Chess Association (CEPCA) ug City of Lapu-Lapu Office for Substance Abuse Prevention (COSAP) alang sa pagpahigayon sa CEPCA-CLOSAP “Make a Move Against Drugs” Open Chess Tournament.

Ang torneyo, nga abli alang sa tanang mga mahiligon magpatulo og singot sa utok, gikatakda karong Disyembre 11, 2022 sa 4th floor sa Robinson’s Galleria.

Nagbalor og P50,000 ang kinatibuk-ang ganti sa torneyo, nga tipik sa kasaulogan sa anibersaryo sa CEPCA.

Ang kampyon makadawat og P7,000, makalukok og P5,000 ang 2nd placer ug P3,000 sa 3rd placer.

Makadawat sab og ganting salapi ang mahiluna sa ikaupat hangtod sa ika-20 lakip na ang mga mananaog sa special prices.

Ang rehistrasyon nagbalor og P3,000 alang sa regular nga mga partisipante samtang P200 sa Cepcans, kids, ladies, ug senior citizens.

Alang sa dugang mga impormasyon mahimong motawag sa 0905-2627262. /