Dear Papa Joe,

Motuo mo anang 3-month break up rule sa uyab, Paps? Ako diay si Maymay, 23 years old ug may uyab pero nagkabuwag mi kay lagi murag need namo ang space sa usag usa kuno kay busy kaayo mi sa among trabaho. Kuno kinahanglan sa mi magbuwag o mohatag og space sulod sa tulo ka buwan nga di sa mi makigrelasyon. Kay kon sud ana nga panahon basin magka balik mi.

So mao to kay lagi mahal nako siya, nisugot na lang ko kay sure man ko nga nahigugma ko niya ug di ko mangitag lain. Pero na shock na lang ko, Paps, dihang nakita nako sa FB niya ang iyang bag-ong uyab nga wa pa gani kaabot og 3 weeks sukad mi nagkabuwag. Gitago na lang nako, Paps, pero sakit kaayo oi. Unsa may angay nga buhaton nako? Ako ba siyang sukmatan? Tambagi ko.

MAYMAY

Maymay,


Ayaw na pagdahum ato nga mao gyud to ang iyang tinguha nga mangita lang og space. Nangita lang siya og paagi nga makagawas sa inyong relasyon sa pamaagi nga dili ka kabalibad.

Di man gud ka maka sure nga tungod dugay na mo kay kamo na gyud in the future. Timan-i, nagbuwag man gani nang gikasal ug matintal pa gani. Maayo hinuon nga samtang di pa mo minyo, nigawas ang tinuod. Usa pa, kon kamo gyud sa usag usa, basin ma realize niya nga nasayop siya pero ang problema kon ikaw na sad ang di na pwede.

PAPA JOE