Magsugod na og dawat ang Kagamhanan sa Probinsya sa Sugbo sa gustong moparehistro alang sa laing hugna na sab sa Suroy-Suroy Sugbo sa amihanan nga ipahigayon karong Enero 2023.

Kini human sa malampusong Suroy-Suroy Sugbo Heritage Trail sa habagatan.

Si Marti Ybañez, Provincial Tourism Officer, niingon nga ang sunod nga Suroy-Suroy ipahigayon sa norte karong Enero 17 hangtod sa Enero 19 sa sunod tuig.

Malampuson ang uwahing Suroy-Suroy sa 22 ka lungsod ug siyudad sa habagatan.

Ang intersado sa Suroy-Suroy sa Enero, pangutana lang sa Kapitolyo.