Dear Noy Kulas,
Maayong adlaw kanimo. Tawga lang ko sa ngan nga Mely, 48 years old. Minyo ko but buwag na mi sa akong bana bisan kon nagpuyo mi og usa ka balay kay wa may gusto namong molayas. Wa mi tingganay mga five years na. Ako na lang gidawat nga babaero siya kay sa magkonsumisyon.
In that span of five years, nakasugat pud ko og few nga lalaki but kutob ra sa romance kay di pa nako kaya nga mosulod og relasyon niadto nga apil ang private until I met Mike nga usa ka nurse nga single father.
Sayo man namatay ang iyang asawa ug wa na siya nagminyo kay lisod kuno rong panahuna makakita og babaye nga kasaligan.
Nagka close mi, nag-date ug dayon in a relationship mi. Natural ra man tingali sa mga mature na sama namo nga mag lovemaking. I admit nga nag need pud mi ini.
Karon, gusto ni Mike nga mo file ko og annulment but nagduha-duha ko kay conjugal property baya ning amoa. Kaming duha sa akong bana ang nagtampohay aron makapalit og yuta ug makapabarog og balay. Worried pud ko sa reaction sa among mga anak ug custody. Unsay imong matambag namo, Noy Kulas?
MELY
Mel,
Kon sa imong tan-aw wa nay purohan nga magkauli mo sa imong bana, why not?
But konsulta una og abogado kabahin sa inyong properties aron mas magiyahan ka sa imong paghukom. Kon kustodiya sa mga anak, kay dagko na man na sila, pahukmon na sila sa korte.
Amping lang nga di ka masakpan sa imong bana kay basin iya nang gamiton nga hinagiban against nimo. Hinuon, mas nasayod ka kon ang imong bana mogamit ba o di sa mao nga pamaagi.
Ayaw lang sab og palabi og sawom sa imong relasyon karon. Ilha og maayo ang imong boyfriend.
Kon masugdan na ang process sa annulment, kon ipadayon, diha ka na makaingon nga tininuod ang iyaha. Bisan sa inyong edad, kana ehemplo nga ang tinuod nga gugma wa magpili og edad.
NOY KULAS
rojval69@yahoo.com