Presidente Ferdinand “Bongbong” Marcos Jr. niingon sa Huwebes, Nobiyembre 24, nga ang gobyerno mahimong modangop sa paghatag og scholarship programs alang sa aspiring nurses ug uban pang mga medical workers samtang ang ubang mga nasud “nag- ilog” sa pagpangita og mga healthcare professional.
Ubos sa scholarship program, si Marcos niingon nga kadtong makatapos sa ilang mga kurso kinahanglan nga moserbisyo una sa nasud sulod sa pipila ka tuig sa dili pa sila tugotan nga manarbaho sa gawas sa nasud, tungod kay ang gobyerno dili makapugong kanila sa pagbiya tungod sa taas nga sweldo sa abroad.
“Lahat, nurses. Naghahanap... Everybody that I talk to, especially from the States and from Europe... So the only thing is that the scholarship program, that you know, you can’t hold people back from a better life, from a better living,” matud sa Presidente atol sa usa ka tigom uban sa mga representante sa healthcare cluster sa Private Sector Advisory Council (PSAC) sa Malacañang.
“But I think it’s fair that if you provide scholarship, that you expect that there are... mag-serbisyo muna sila ng ilang taon. Hindi babayaran ‘yung scholarship eh. They don’t need to pay that,” siya nidugang.
Sa iyang bahin, si Department of Health officer-in-charge Undersecretary Maria Rosario Vergeire niingon nga nagsugod na sila sa mga diskusyon bahin niini uban sa University of the Philippines.
Si Vergeire niingon nga ang nasud makapahuman og daghang health workers ubos sa maong programa bisan pa nga ang pagpamunga molanat og dugay.
Matod niya nga nakig-alayon usab sila sa Department of Migrant Workers alang sa exchange programs sa ubang mga nasod nga nanginahanglan og medical workers.
“So in turn, we are going to propose that if we can provide them with these numbers that they need, they [would] provide us also, for example, scholarships for a number of our healthcare workers here,” matod ni Vergeire.
Ang DMW sa sayo pa niingon nga sila nagtan-aw sa pagkuha og mga kasabutan sa ubang mga nasud sa paghatag og pundo alang sa mga scholarship sa Pilipinas.
Samtang, gitinguha ni Marcos ang pagpalig-on sa kolaborasyon tali sa publiko ug pribadong sektor aron mapalambo ang sektor sa panglawas sa nasud.