Dear Papa Joe,
Ako diay si Lorna, 39 anyos, minyo, kasado ug may tulo ka mga anak.
Ang akong problema kay ang akong bana nga sexually active apan masuko siya kon mobalibad ko kay tulo baya among mga anak. Ako tanan sa balay unya kapoy kaayo ko. Maayo unta og inig kahuman di ko maluya, maluya baya. Usa pa usahay mawad-an ko og gana kay wa pay klaro intrigo og sweldo kay way klaro pangitaan. Unya ingnon lang ta nga grasya kuno sa Ginoo nya amo mga anak nagkagidlay tawon.
Unsa may buhaton nako?
LORNA
Lorna,
Sakto ka, wa kasabot imong bana. Well, di man sad na angay balibaran kay gasa man sa kaminyuon, apan naa say pagsabot nga di sa tanang panahon pwede labi na naa kay atimanon. Kon tinuod nahigugma imong bana nimo, mosabot siya.
Pwede nimo siya ingnon nga kon gusto ka, dulog ta permi. Tabangi ko diri sa balay sa mga buhaton para di kaayo ko kapoy. Usa pa, kon gusto ka nga magkaanak pa ta og daghan, kugi ka para makahatag ka og unsay gikinahanglan sa mga bata. Di kay imong katagbawan lang imong hunahunaon ug kon tinuod ka nahigugma nako o namo, mosabot ka nako. Ana lang.
PAPA JOE
(sa inyong tampo ipadala lang sa papajoesuperb@gmail.com)