Nibahad ang pangulo sa merkado publiko sa Barangay Tabunok sa Dakbayan sa Talisay ngadto sa mga manindahay sa merkado nga manikas, delikadong dili na maka-renew sa ilang permit.
Kini kon ang buhatan ni Engr. Arnie Dele Torre makadawat gihapon og mga reklamo o mga sumbong gikan sa mga kustomer nga mangompra sa merkado.
Matod niini, kon mapamatud-an nga nagsige lang gihapon ang maong mudos niini ilabi na kon ang mga nanga imbargohan kaniadto subli lang gihapon nga motumaw ang iyang pangalan, kana maoy peligro nga dili na maka-renew sa iyang permit.
Kahinumdoman nga sa milabay nga semana lang, gipahigayon ang usa ka surprise inspection niini ubay-ubay ang mga nangasampolan nga mga manindahay kay nasakpan nga tikasan ang ilang mga timbangan ug kadtong mga tindera nga migamit og suga nga makasilaw sa mata ang gipang- imbargo sa opisyal.
Moabot sa 30 ka mga tikasan nga timbangan ug tulo ka suga nga makailad, ang gipangkuha sa nag-inspeksiyon.
Si Dela Torre niingon gihimo nila ang operasyon sa manag-lahi ang mga rason isip pagdepensa sa ilang habig.
Hinuon, gipaminaw kini sa opisyal bugti sa hukom nga kon kanunay lang gihapon nga maapil sa gisumbong, ang pag-imbestigar na ang sunod nilang himuon.
Ang maong merkado dunay tulo ka mga “Timbangan nang Bayan” nga gipangmontar aron ang kadtong mga namalit kon nagduda, mamahimo nga sila na mismo ang magsusi aron masuta kon sila ba gitikasan.
Giawhag ni dela Torre ang mamalitay nga gamiton ang Timbangan ng Bayan kon nagduda silang mga mamalitay nga dunay nahitabong tikas sa ilang gipamalit. / BBT
Kon madiskobrehan diriyot dayon nila kining ipaabot sa iyang buhatan aron ma aksiyonan. (BBT)