Kalingawan nga diskohan nunot sa nagkaduol nga dapit ang kapistahan sa usa ka sityo sa Barangay San Pedro, lungsod sa Duero, Bohol tungod sa away sa mga batan-on nga niresulta sa pagdunggab sa usa ka menor de edad nga niapil sa disko.

Si Police Senior Master Sergeant Clark Tubera sa Duero Police Station sa Bohol nibutyag nga nahitabo ang pagpanunggab sa alas 2:35 sa kaadlawon sa Biyernes, Nobiyembre 25, 2022.

Nasayran nga nahitabo ang insidente sa Sityo Mahayag, Barangay San Pedro sa nahisgutang Lungsod human sa nahitabong kalingawan nga disko sa Barangay San Pedro.

Matod ni Tubera, ang biktima usa ka 14 anyos nga taga Barangay Lubogon samtang ang suspek wala pa mailhi nga gituohan usab nga usa ka menor de edad gihapon.

Sa imbestigasyon sa Womens Children and Protection Desk (WCPD) nahibaw-an nga kining biktima niapil sa disko lakip na ang suspek nga gituohan nga gitripingan ang maong biktima sa suspek sa diskohan ug sa dihang pag-uli niini, nahitabo na ang kasamok. (BBT)