Wa makasulod sa Philippine Basketball Association (PBA) playoffs ang multi-titled coach nga si Chot Reyes sa unang higayon sulod sa 21 ka tuig.
Natapos ang PBA Commissioner’s Cup season sa Tropang Giga human kini gipilde sa San Miguel Beermen, 119-99, niadtong Sabado sa PhilSports Arena.
Ang 4-8 (win-loss) rekord sa Tropang Giga di igo aron masulod sila sa quarterfinal round ug maoy mitapos sa 24 straight playoff appearance ni Reyes.
Ang panahon nga wa makasulod sa playoff si Reyes niadto pang 2001 Commissioner’s Cup diin siya ang bench tactician sa Pop Cola Panthers.
Mao pud kini ang unang higayon nga wa makasulod ang TNT sa playoffs ubos sa pagdumala ni Reyes. Sa iyang pagdala sa team niadtong 2008-2012 ug sa iyang pagbalik, nakasulod sila sa playoffs pwera lang karon nga conference. (RSC)