MOABOT sa 19 ka children in conflict with the law (CICL) ang kasamtangang giatiman sa Regional Rehabilitation Center for Youth (RRCY) sa Department of Social Welfare and Development (DSWD) Soccsksargen sa Tantangan, South Cotabato.
Matod ni DSWD-Soccsksargen Director Loreto Cabaya Jr. nga ang kining mga nasampit nga CICL nakonbikto o nag-pending pa ang mga kaso sa korte gikan sa nagkalaing lugar sa Soccsksargen.
Gitataw pa ni Cabaya nga bisag mga CICL sila, nagkinahanglan gihapon og proteksyon ang mga bata sa RRCY.
Dugang ni Cabaya nga adunay interbensyon nga gihimo ang DSWD-Soccsksargen sa ubang ahensya sa gobyerno aron matabangan ang mga CICL nga makabalik sa saktong dalan.
Mao usab kini ang hinungdan nga matud pa ni Cabaya nga ang DSWD-Soccsksargen milusad sa tibuok semana nga pagsaulog sa Juvenile Justice Week sa nasangpit nga pasilidad.