Pasidaan batok sa crypto investment

Ang Philippine National Police (PNP) Anti-Cybercrime Group (ACG) nipahimangno sa publiko bahin sa pagdagsang sa mini nga crypto investments, ilabi na taliwala sa holiday season.

Si ACG Director Brigadier General Joel Doria miingon nga ang mga online scammer nagtrabaho og dobleng panahon sa pag-scam sa mga tawo sa ilang hinagoan nga kwarta, ilabi na nga ang mga tawo makadawat sa ilang mga bonus sa katapusan sa tuig.

“Everyone [has] to be cautious in making online crypto investments. In their new modus operandi, scammers are now creatively enticing potential victims by offering ‘fake’ crypto investments,” matod ni Doria.

“The modus is for potential investors to download a specific crypto app, which when installed will require them to cash in their investments in digital wallets listed in the application,” dason ni Doria.

Matod ni Doria, makita sa mga naghupot sa account ang kantidad sa kuwarta nga ilang gipuhunan ug ang taas nga interes nga nakuha sa ilang kuwarta sa paglabay sa panahon.

Sa pagkonsiderar sa nagkadako nga interes nga namugna sa ilang kuwarta sulod sa mubo nga panahon, madani sila sa pag-invest og dugang nga kuwarta apan sa ilang pagsulay sa pag-withdraw niini, ang mga app dili motugot kanila sa pagbuhat niini.

“This is how investors realize they have been victims of a crypto investment scam,” dugang ni Doria.

Ang hepe sa ACG sa Cyber ​​Financial Crime Unit nga si Lieutenant Colonel Robert Bongayon niingon nga ang mga mangingilad nilingla usab sa ilang mga biktima pinaagi sa pagpresentar og tinumotumo nga rehistrasyon sa Department of Trade and Industry ug Securities and Exchange Commission.

Giawhag ni Doria ang mga potensyal nga mamumuhunan sa pagbisita sa website sa Bangko Sentral ng Pilipinas aron makita ang lista sa regulated virtual asset service providers aron malikayan nga ma-scam. (SunStar Philippines)