Sunod away ni Casimero mismatch: analyst

Casimero
Casimero

Gihulagway sa beteranong Filipino boxing analyst nga si Ed Tolentino ang umaabot nga away ni kanhi three-division world champion Johnriel Casimero nga mismatch, pabor sa gitawag og “Quadro Alas.”

Gitumbok mao ang pagpakigharong ni Casimero batok kang Japanese Ryo Akaho karong Disyembre 3, 2022 sa Incheon, South Korea.

Si Casimero, kinsa adunay 31-4, 21KOs nga rekord, katapusang niaway niadto pang Agusto, 2021 diin nidaog siya batok sa kanhi Cuban world champion Guillermo Rigondeaux pinaagi sa split decision.

Apan bisan pa niini, nagkanayon si Tolentino nga kaya gihapong lupigon ni Casimero si Akaho.

“Style-wise, Akaho is tailor-made. Casimero can close the distance and hit him hard. Casimero is good at slipping jabs. I think as long as Casimero is in good condition, he has this Japanese fighter’s number,” matod ni Tolentino sa interbyu sa Sparring Sessions nga napatik sa GMA Integrated News.

Si Akaho, kinsa adunay 39-2-2, 26KOs nga rekord, mas dako kumpara kang Casimero apan hugot ang pagtuo ni Tolentino nga dili kini mosaler sa kapabilidad ni Casimero.

“Casimero is unorthodox. He does things that are not textbook. The way he traps you, the way he narrows the gap, and the way he spins you around. He can throw punches from awkward angles,” pasabot ni Tolentino. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph