MALIPAYONG midawat sa iyang ganti nga balor og P10,000 ang iskolar nga migradwar isip cum laude sa Siyudad sa Panabo.
Si Cedric Manuel Carpe gihatagan og monetary award isip ganti gumikan sa iyang paningkamot sa pagtungha hinungdan nga migradwar nga cum laude sa Davao Del Norte State College.
Matud pa nga ang paghatag og ganti subay sa City Ordinance No.24 o ang “The Code of all Scholarship Programs in the City of Panabo“ diin sa Resolution 71 series of 2019 sa Section 13, nakalatid nga mahatagan og monetary award ang mga scholarship grantee sa siyudad kung sila mogradwar nga adunay latin honors.
Sumala pa nga P10 tawsan ang madawat sa cumlaude samtang sa magna cum laude P15 mil ug P20 mil pesos sab sa summa cum laude.
Ang pagkuha sa maong ganti gikinahanglan ang mosunod; photocopy sa School ID; Certified True Copy sa Diploma ug Certificate of Latin Award.