ANG Samahan ng may iba't ibang Kakayahan sa Dabaw (SAKADAB) Consumer Cooperative, usa ka grupo sa mga differently-abled individuals sa komunidad sa Gawad Kalinga sa Los Amigos, Tugbok District sa Davao City, nagpalapad sa ilang mga kahanas pinaagi sa usa ka pagbansay sa paghimo og sinina nga gihatag sa Technical Education and Skills Development Authority (TESDA) Davao Region.
Ang pagbansay nga nagsugod sa sayong bahin sa Nobyembre ning tuiga ubos sa Cooperative Capacity Building Program sa Davao Light and Power Co., Inc. ug Aboitiz Foundation, Inc.
Ang programa opisyal nga gilusad pinaagi sa pagpirma sa Memorandum of Agreement niadtong Oktubre. Naghatag kini og mga pagbansay sa kahanas nga makapauswag pa sa pagdumala sa negosyo ug kahanas sa paghimo og sinina sa mga miyembro sa SAKADAB.
“We aim to augment the sources of livelihood of SAKADAB by giving them trainings that will expand their own businesses”, ingon ni Fermin Edillon, Davao Light Reputation Enhancement Department Head.
Dugang sa opisyal, “Currently, they have a bakery and sari-sari store, and we amplify these with this dressmaking training and helping them build partnerships and linkages, with the end goal of sustaining their livelihood and strengthening their organization.”
Baynte singko nga mga partisipante sa SAKADAB nga miyembro ang gibansay sa pattern-making ug mga teknik sa pagpanahi sa mga trainer gikan sa TESDA Region XI.
Kini nga pagbansay sa paghimo og sinina matapos sa Disyembre ug sundan sa pagbansay sa packaging ug branding sa 2023.
Sukad niadtong 2012, ang Davao Light, usa ka AboitizPower subsidiary, ug Aboitiz Foundation nagsuporta sa organisasyon pinaagi sa nagkalain-laing mga volunteer activities ug proyekto.
Gikan sa pagtukod sa ilang mga balay sa Gawad Kalinga-SAKADAB Village sa Davao City government's relocation site sa Los Amigos, ngadto sa paghatag sa ilang Productivity Center niadtong 2013, ug hangtod sa hinay-hinay nga paghatag sa nagkalain-laing leadership ug technical trainings, starter kits, ug equipment, ang SAKADAB mao ang gikonsiderang tulay sa pagpatunhay sa kaugalingon. (Uban sa taho sa PR)