Mamaligya og 'slots' sa night market i-blacklist

(SUNSTAR FILE)
(SUNSTAR FILE)

SAMTANG gipalapdan sa Davao City ang night market sa nagkadaiyang bahin sa dakbayan, mga manindahay o awardees nga magbaligya sa ilang "slots" ngadto sa laing mga tawo i-blacklist na.

"Under sa atong provision, dili na sila makabaligya ever sa night market kung himuon nila," matud ni Konsehal Bernie Al-ag, tsirman sa trade, commerce, and industry sa pakighinabi kaniya kagahapon, Nobyembre 29, 2022, sa Sangguniang Panlungsod.

Gisulti ni Al-ag nga ila na karong gisusi ang namaligya sa night market aron maseguro nga ang "awardees" mao gyud ang naninda.

"Because this business proposal is para ni sa mga gagmay nga negusyante," pagtataw niya.

Subay sa city ordinance, dunay duha ka matang sa awardees nga tugtan sa pagbaligya sa night market; regular awardees ug reserve awardees.

Ang regular awardees mao kadtong nagsumite og aplikasyon ug napili pinaagi sa pagbola (raffling).

Samtang ang reserve awardees mao kadtong dugang mga tawo nga gipili atol sa pagbola (raffling) kung ugaling ang ihap sa regular awardees di igo aron nga hatagan sa puwesto tungod kay misibog, way kapasidad, na-diskuwalipikar, o mihawa tungod sa pagrebukar sa "award".

Nanawagan ang konsehal ngadto sa mga negusyante nga di mag-abuso sa programa.

"Don’t take advantage of this program. Atoang tagaan og panahon ug opportunity ang katong gagmay kaayo nga vendors, nga mag-income sila, else dili namo makaapil aning night-market," pagklaro ni Al-ag.

Niadtong Nobyembre 29, 2022, ang lokal nga panggamhanan sa Davao niaproba sa ikatulo ug katapusang pagbasa sa city ordinance nga palapdan ang night market sa nagkadaiyang bahin sa dakbayan.

Tug-an ni Al-ag nga magbukas ila og night market sa Toril Public Market sa Disyembre 2022 ug nagtinguha sab pagbukas og night markets sa Old Davao Airport Road, Mintal, Calinan, Lasang, Bunawan, ug Cabantian area.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph