Gibanabanang molanat pa og pipila ka mga semana una makabalik og duwa sa 2022-23 National Basketball Association (NBA) ang pambatong sentro sa Minnesota Timberwolves nga si Karl-Anthony Towns.
Kini basi sa resulta sa MRI sa naangol nga tiil ni Towns nga iyang nasinati sa 3rd quarter atol sa dakong kapildihan sa Timberwolves batok sa Washington Wizards, 142-127, niadtong Nobiyembre 29, 2022 (PH time).
Kinahanglan pang susihon og balik ang kondisyon ni Towns aron masayran kon unsa ka grabe ang iyang pagkaangol.
Si Towns nag-average og 20.8 puntos. (AP)