Dear Noy Kulas,
Maayong adlaw nimo. Tagoa lang ko sa ngan nga Noemi. Dalaga pa ko bisan 37 anyos na ko. Di unta ko magpatambag pero nakonsensya ko nga naghuna-huna sa akong first cousin ug sa iyang asawa.
Wa silay anak bisan seven years na silang kasal kay di pa kuno ready ang iyang asawa. Ang akong cousin sugot ra pud kay kinsa say magtuo nga makaasawa siya og ing ana kagwapa nga maorag artista.
Naa koy amiga nga naa sa Manila ug nakaila aning asawa sa akong cousin. Naatol to nga nilarga sa Manila ang babaye kay kuno naa silay reunion sa college didto. Karon, nakit-an ug nakakuha og pictures ang akong amiga nga naa ang babaye ug usa ka lalaki nga sweet kaayo silang duha. Sa usa ka picture nag smack smack pa silang duha.
Akong gihangyo ang akong amiga nga sundan later ug mao to, nanulod og hotel ang duha. Natural kay hotel unya nanulod diretso, wa sa restaurant, mag-unsa diay sila didto? Okay ra tag church kay mag-ampo.
Noy, unsa kahay akong buhaton noh aron maputol ning kabuang sa asawa sa akong cousin? Ingon sa akong amiga, second time na to niya nakit-an ang babaye ug lalaki nga gakuyog. Tinuod naa silay reunion, but duna diay gitagoang laing agenda. Please tambagi ko sa akong buhaton.
NOEMI
Noemi,
Mahimo ra man mag email ka sa imong cousin pinaagi sa laing account nga anonymous kon di ka ganahan nga maapil sa ilang away. Or mahimong moduol ka sa imong pamilya nga dunay kaisog nga mosulti sa imong cousin pinaagi sa pagpakita sa mga ebidensya nga dunay mga detalye. But be careful lang kay basin ikiha ka hinuon kay di enough proof ang imong gidala nga mga hulagway. That is why mas maayong anonymous.
Or kon isog ka, sultihi ang imong cousin sa imong nasayran parte sa iyang asawa aron masayod siya nga nagmata lang siya og buntag no matter what. Lain nimong alternatibo mao ang pagpakigkita og una sa asawa ug ipakita kaniya ang pictures aron imo siyang matambagan sa paghunong na sa iyang kabuang. Mag-unsa man gud nang gwapa nga asawa unya toa sa laing lalaki naglipay? Mas maayo pag wala. Kana magdepende sa imong courage sa pag deal anang bayhana. Di ka sab angay mahadlok kay di man ikaw ang naapeke, siya man.
NOY KULAS
rojval69@yahoo.com