Ang solo parent sa dakbayan sa Mandaue mahimong makakuha og barangay certification nga walay bayad.
Kini, human giaprobahan sa Sangguniang Panlungsod niadtong Lunes, Nobiyembre 28, 2022, ang Resolution 212-2022 nga naghangyo sa tanang 27 ka barangay sa dakbayan sa pag-isyu o pag-release og barangay certification nga walay bayad sa mga aplikante nga solo parents.
Si Konsehal Jimmy Lumapas, nangamahan sa resolusyon, nitumbok nga ang solo parents gikinahanglang mopresentar og barangay certification aron maka-qualify ug makapahimulos sa mga benepisyo gikan sa Mandaue City Solo Parent Office (SPO).
“Ang Panggamhanan sa Dakbayan sa Mandaue komitado sa pagtabang sa kahimtang sa matag solo nga mga ginikanan sa barangay pinaagi sa paghatag kanila ug sayon nga pag-access niini nga mga dokumento nga walay bayad gikan sa ilang katapusan ug alang sa Siyudad sa tinuod nga paggamit sa angay nga kakugi sa paglusad nga walay gasto nga magtugot kanila sa pagpagaan sa ilang personal nga kapasidad ug makapahimulos sa mga benepisyo nga magamit sa matag solo nga ginikanan,” matud niya. (MKG)